Еуразиялық экономикалық комиссия кеңесі Қазақстан азаматтары үшін ҚР аумағына электромобильдерді әкелуге жеңілдікті тариф белгіледі.

Қазақстандықтар жеке пайдалану үшін 1 электромобиль енгізуге құқылы, бұл ретте кедендік баждар мен салықтарды төлеуден босатылады. Электрокарды мемлекеттік тіркеу үшін ғана төлеуге тура келеді. Мемлекеттік тіркеудің мөлшерлемесі электромобильдің жасына байланысты және 2023 жылы 0,25-тен 250 АЕК-ке дейін.

Сондай-ақ, электрокар иелері көлік салығын төлеуден босатылады. Автокөлік ішкі жану қозғалтқышының орнына электр қозғалтқышының көмегімен қозғалатындықтан, қозғалтқыштың көлемі нөлге тең.

Сонымен қатар, электромобильдердің иелеріне автокөлікті иелену, пайдалану, билік ету құқығын Ресей Федерациясының азаматтығы бар және (немесе) Ресей Федерациясында тұрақты тұратын адамдарға кедендік тазарту сәтінен бастап 3 жыл ішінде беруге тыйым салынады.