Қазақстан Республикасы мүшесі болып табылатын Еуразиялық экономикалық одақ шеңберінде 2018 жылғы қаңтардан бастап ЕАЭО Кеден кодексі күшіне енді, оның негізгі қағидаттары электрондық декларациялау, Тәуекелдерді басқару жүйесін қолдану нәтижелері бойынша тауарларға кедендік бақылау жүргізу, жаңа ақпараттық жүйелер мен технологияларды пайдалана отырып, кедендік бақылау уақытын барынша қысқарту болып табылады.

ЕАЭО Кеден кодексін қолдану тәжірибесін ескере отырып,
2020 жылдан бастап Еуразиялық экономикалық комиссия алаңында мүше мемлекеттердің өкілдері бизнес қауымдастықтың қатысуымен ЕАЭО Кеден кодексіне бірінші кешенді Хаттама жобасы мен сыртқы электрондық сауда мәселелері бойынша Хаттама жобасы аясында өзгерістер енгізу жұмыстарын жүргізуде.

Бірінші кешенді Хаттама жобасы Одақ мемлекеттері үшін басым болып табылатын, ЕАЭО Кеден кодексіне кезек күттірмей енгізілуі қажет өзгерістерден құралады.

Қазақстан Республикасында сыртқы экономикалық қызметті және бизнесті дамыту, кедендік рәсімдерді жеңілдету және шетелдік инвесторларды тарту мақсатында басым болып табылатын өзгерістер әзірленіп, қарастыру үшін жолданды.

Ақпарат ретінде:

Қазақстан Республикасымен шамамен 40 өзгеріс ұсынылған, олардың ішінде Қаржы министрлігі бірінші хаттамаға қосу үшін келесі өзгерістерді енгізуді ұсынды:

1) ЕАЭО Кеден кодексіне 36-1-бапты «Тауарлардың шығу тегін анықтау туралы алдын ала шешімдердің жариялылығы» ретінде қосу, себебі Кеден кодексіне өзгеріс енгізу Дүниежүзілік сауда ұйымы (ДСҰ) сауда рәсімдерін жеңілдету туралы келісімінің «В» және «С» тармақтарын жүзеге асыру жөніндегі іс-шаралар жоспарының
5-тармағымен қарастырылған, 18.01.19 жылғы ВАК Протоколымен бекітілген.

2) ЕАЭО Кеден кодексінің 157-бабының 3-тармағына жаңа үшінші және төртінші абзацтарды қосу, бұл тауарларды кедендік қоймада сақтау мерзімін ұзарту мәселесіне қатысты.

3) 154-баптың 2-тармағына өзгеріс енгізу, бұл кедендік құқық бұзушылық анықталған кезде тауарлар мен олармен байланысты құжаттармен көлік құралының болған теміржол тасымалдаушысының жауапкершілігін қарастырады. Демек, егер Қазақстан Республикасы тасымалдаушысы Ресей Федерациясы тасымалдаушысынан мерзімі өткен жүкпен көлік құралын қабылдаса, онда Қазақстан Республикасы тасымалдаушысы әкімшілік жауапкершілікке тартылатын болады.

4) Қазақстан Республикасының 207, 213 және 215-баптарға қатысты ұсыныстары, бұл ұсыныстар еркін кедендік аймақ (ЕКА) және еркін қойма (ЕҚ) кедендік рәсімдерін қолдануға байланысты.

Қазіргі уақытта бұл Хаттама мүше мемлекеттерде екінші ішкі мемлекеттік келісу кезеңінен өтіп жатыр.