Ақмола облысы бойынша Мемлекеттік кірістер департаментінде «Жемқорлықпен күрестің алдын алу шаралары» тақырыптары бойынша семинар өтті. Семинар жұмысына Сыбайлас жемқорлыққа қарсы іс-қимыл Ұлттық бюросы (сыбайлас жемқорлыққа қарсы қызмет) Ақмола облысы бойынша департаментінің басшысы Қуаныш Бекбасов және Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігі Ақмола облысы бойынша департаментінің басшысы Берген Беспалинов қатысты.

Семинар жұмысы барысында  сыбайлас жемқорлық көріністеріне қарсы күресің алдын алу және қолдау әдістері  мен ынтымақтастық мәселелері талқыланды.

Басым бағыттарының бірі –  сыбайлас жемқорлық деңгейін төмендетіп, жемқорлықты туындататын себептер  мен жағдайларды жоятын,  халықтың жемқорлыққа қарсы мәдениетін қалыптастыру  арқылы қоғамның әр мүшесінің жемқорлыққа қарсы азаматтық көзқарасын қалыптастыруға бағытталған  превентивтік сипаттағы кешенді іс-шараларды өткізу жолымен  сыбайлас жемқорлықтың алдын алу.

Сыбайлас жемқорлық экономикалық өсу жолындағы ең iрi кедергі болып табылады – дейді  Ақмола облысы бойынша Мемлекеттік кірістер департаментінің басшысы  Таукен Ошақбаев - сондықтан  әдiл болашақ үшін мемлекет онымен бiртұтас күрес жүргізу керек.

Шара барысында    сыбайлас жемқорлықпен күрес  туралы бейнеролик көрсетілді.