Кедендік өткізу пункттерін жаңғырту

       Мемлекеті Басшысы жыл сайынғы Жолдауында еліміздің транзиттік әлеуетін арттыру міндетін қояды. Біз жаңғыртуды 2018 жылы кезең-кезеңімен бастадық, мұнымен біз еліміз арқылы өтетін жүк көлемін арттыруды көздейміз. Осы арқылы мемлекетке белгілі бір кірістер түседі, ел транзиттен табыс табады. Біз бірқатар елдермен шектесеміз. Сонымен қатар, Еуразиялық экономикалық одақтың ішкі шекаралары және сыртқы шекаралары бар. Біздің сыртқы шекараларымыз Қытаймен, Өзбекстанмен, Түрікменстанмен шектеседі. Біз осы шекараларды жаңғырту міндетін қойдық. Бұл жұмысты кезең-кезеңімен іске асырып келеміз.

       2018 жылы біз «Нұр жолы» өткізу бекетін жаңғыртуды аяқтадық, бұл Қорғаспен шектесетін өткізу бекеті, және бүгінде бұл Орталық Азиядағы ең ірі бекет болып табылады. Пункт жұмыс күні қозғалыстың екі жағына 2,5 мың көлік құралын және 15 мың жеке тұлғаны, оның ішінде 2 200 бірлік жүк көлік құралдарын, 300 бірлік жолаушылар көлік құралдарын (автобустар мен жеңіл автомобильдер) өткізуді көздейді.

       ҚР Мемлекеттік кірістер комитетінің Төрағаның орынбасары Бақытжан Слямов ҚР Президенті жанындағы «Орталық коммуникациялар қызметі»  баспасөз конференциясында барасында хабарлады. 

      ЕАЭО кедендік шекарасы

       ЕАЭО кедендік шекарасының қазақстандық учаскесінде 14 автомобиль өткізу пункті орналасқан, оның 2-уі жаяу жүргіншілерді оңайлатылған өткізуге арналған. 6 теміржол ("ҚТЖ ҰК"АҚ балансында).

       Соңғы онжылдықта шекарадан өтетін жүк пен жолаушылар ағыны айтарлықтай өсті. Сонымен қатар, күн сайын шекарада бақылау қызметтерінің өкілдері жұмыс істейтін көптеген ғимараттар бірнеше ондаған жыл бұрын салынған.

       Осыған байланысты Мемлекеттік кірістер органдарының алдында тұрған басым міндеттердің бірі өткізу пункттерінің инфрақұрылымдық міндеттерін шешу болып табылады.

      «Б. Қонысбаева» автомобиль өткізу пункті

       2020 жылы бюджет қаражаты есебінен «Б. Қонысбаева» автомобиль өткізу пункті қайта жаңартылып, оның аумағы 2 есеге жуық (3,6 гектардан 6 гектарға дейін) кеңейтілді.

       Өткізу пункті қазақстан-өзбек шекарасындағы ең ірі пункттердің бірі болып табылады.

       Пункт тәулігіне қозғалыстың екі жағына 1 мың көлік құралын және 10 мың жеке тұлғаны, оның ішінде 1 мың бірлік жүк көлік құралдарын, 500 бірлік жолаушылар көлік құралдарын (автобустар мен жеңіл автомобильдер) өткізуді көздейді.

       ҚР Мемлекеттік кірістер комитетінің Төрағаның орынбасары Бақытжан Слямов ҚР Президенті жанындағы «Орталық коммуникациялар қызметі»  баспасөз конференциясында барасында хабарлады. 

        Ағымдағы жағдай туралы

       Жүргізілген жаңғыртулардың оң әсерін, көлік ағыны мен төлемдердің түсуін ескере отырып, ЕАЭО сыртқы шекарасындағы 9 автомобиль, 1 темір жол өткізу пунктін және Астана қаласындағы Қаржымині МКК Бас диспетчерлік басқармасын жаңғыртуды және техникалық жете жарақтандыруды жүргізілуде.

      2023 жылы "Достық-теміржол" өткізу пунктінде жұмыс аяқталды.

      Ағымдағы күні 4 өткізу пункті іске қосылды ("Қапланбек" - 27.01.25 ж.," Атамекен " - 16.04.2025 ж.," Көлжат " - 28.04.2025 ж.," Алакөл " - 12.05.2025 ж.). Қалған 5 өткізу пункті (Қазығұрт, Тәжен, Темір-баба, Майқапшағай және Бақты) ағымдағы жылдың соңына дейін кезең-кезеңімен іске қосылатын болады.

       Дұрыс қабылданған шешімнің нәтижесінде, жүргізіліп жатқан жұмыстарға қарамастан, жаңғыртылатын пункттердің өткізу мүмкіндігі төмендеген жоқ, керісінше 2022 жылы 640 мың көлік құралынан 2024 жылдың қорытындысы бойынша 1,4 миллионға дейін ұлғайды. Өсім 2,5 есе болды.

        «Өткізу пункттерін жаңғырту» жобасы «жылдамдық, тиімді бақылау, қауіпсіздік, жайлылық» қағидаттарына негізделген. Барлық өткізу пункттері Мемлекеттік шекарадан өту кезінде Қазақстан азаматтары мен қонақтары үшін қолайлы жағдай жасауға бағдарланған.