Заңдық маңызы бар, оның ішінде уәкілетті мемлекеттік органдар немесе лауазымды адамдар құжаттарды (олардың көшірмелерін, телнұсқаларын) берумен байланысты іс-әрекеттер жасағаны үшін бюджетке алынатын төлем мемлекеттік баж болып табылады.

ҚР Салық кодексіне сәйкес 616-бап; 617,618,620, 622.

Соттарда мемлекеттік баж төлеуден:

- талапкерлер - мүгедектігі бар адамдар, сондай-ақ бала кезінен мүгедектігі бар адамның ата-анасының бірі, мүгедектігі бар бала - барлық істер мен құжаттар бойынша;

Қазақстан Республикасының Конституциялық Сотында мемлекеттік баж төлеуден жеке тұлғалар - мүгедектігі бар адамдар, сондай-ақ бала кезінен мүгедектігі бар адамның, мүгедек баланың ата-аналарының бірі босатылады.

Нотариаттық ic-әрекеттер жасау кезінде:

- мүгедектігі бар адамдар, сондай-ақ бала кезінен мүгедектігі бар адамның ата-анасының бірі, мүгедектігі бар бала - барлық нотариаттық іс-әрекеттер бойынша;

Азаматтық хал актілерін тіркеу кезінде:

- мүгедектігі бар адамдар, сондай-ақ бала кезінен мүгедектігі бар адамдардың ата-аналарының бірі, мүгедектігі бар бала, қорғаншылар (қамқоршылар), мемлекеттік ұйымдар - туу туралы қайталама куәліктерді тіркегені және бергені үшін;

Зияткерлік меншік саласындағы уәкілетті мемлекеттік орган:

- мүгедектігі бар адамдар, бала кезінен мүгедектігі бар адамдардың ата-аналарының бірі, мүгедектігі бар бала, сондай-ақ Чернобыль апаты салдарынан зардап шеккен азаматтар.

Басқа да іс-әрекеттер жасаған кезде мемлекеттік баж төлеуден босатылады, атап айтқанда:

1) қылмыстық істе азаматтық талап қою кезінде;

2) Қазақстан Республикасының дипломатиялық өкілдіктері мен консулдық мекемелері арқылы апостиль қоюға келіп түсетін құжаттарға апостиль қою кезінде;

3) азаматтық хал актілерін тіркеу туралы қайталама куәліктер беру кезінде - Қазақстан Республикасының дипломатиялық өкілдіктері мен консулдық мекемелері арқылы жүгінген азаматтар;

4) Қазақстан Республикасы азаматтарының паспорттары мен жеке куәліктерін, сондай-ақ шетел азаматының Қазақстан Республикасында тұруға ықтиярхаттарын және азаматтығы жоқ адамның куәліктерін беру кезінде:

5) жоғары сұраныстағы мемлекеттік тіркеу нөмірлік белгілерін беруді қоспағанда, автомобильге, автомобильге тіркемеге, мотокөлікке мемлекеттік тіркеу нөмірлік белгілерін беру кезінде:

- мүгедектігі бар адамдар, сондай-ақ бала кезінен мүгедектігі бар адамның ата-анасының бірі, мүгедектігі бар бала.